NMB YACHANGIA MILIONI 100.9 VIFAA VYA ELIMU NA AFYA RUVUMA

BENKI ya NMB imetoa shilingi milioni 100.9 ili kusaidia maendeleo katika

sekta za afya na elimu mkoani Ruvuma.

Hayo yamesemwa na Meneja wa NMB Kanda ya Kusini Faraja Ngingo

kwenye hafla ya kukabidhi madawati kwa shule za msingi Manispaa ya

Songea iliyofanyika katika shule shule ya msingi Kiburang’oma ambapo

mgeni rasmi alikuwa ni Mkuu wa Mkoa wa Ruvuma Kanali Laban Thomas.

Ngingo amebainisha kuwa kati ya fedha hizo zaidi ya shilingi milioni 24

zilitumika kwa ajili ya ununuzi wa vitanda na magodoro katika hospitali ya

Halmashauri ya Madaba na shilingi milioni tano zilitumika kutengeneza

madawati 50 katika shule ya sekondari Matetereka.

Kulingana na Meneja huyo, shilingi milioni 33.7 zilitolewa katika Wilaya ya

Nyasa kwa ajili ya ununuzi wa mabati katika shule za

Lundo,Chinula,Limbo,Ndingine,Chiwindi na Nangombo.

Ameongeza kuwa NMB pia imetoa shilingi milioni 22 katika wilaya ya

Songea kwa ajili ya kutengenezea madawati 220 katika shule za msingi

Legele,Kiburang’oma,Lipupuma,Londoni na Mkuzo.

Ngingo amesema NMB imenunua bati 150 zenye thamani ya shilingi

milioni 5.25 kwa ajili ya shule ya msingi Ntungwe wilayani Namtumbo na

kwamba NMB imetoa shilingi milioni 10.2 kwa ajili ya vifaa vya hospitali ya

wilaya ya Tunduru.

“Sisi kama wadau tunawajibu wa kuunga mkono juhudi hizi za maendeleo

kwa kusaidia jamii,tulipopata maombi haya ya kuchangia maendeleo ya

elimu ,tuliamua mara moja kuja kushirikiana nanyi ili kuwa chachu ya

maendeleo’’,alisisitiza Meneja wa NMB.

Hata hivyo amesema kwa miaka kadhaa NMB imekuwa ikisaidia miradi

mbalimbali ya maendeleo mkoani Ruvuma kwa kujikita zaidi katika miradi

ya elimu kuchangia madawati na vifaa vya kuezekea na kwenye afya

kuchangia vitanda,magodoro na vifaa vingine vya matibabu.

Kwa upande wake mgeni rasmi kwenye hafla hiyo Mkuu wa Mkoa wa

Ruvuma Kanali Laban Thomas ameipongeza NMB kwa msaada huo

mkubwa kwa wananchi wa Ruvuma.

Amesema Rais Dkt.Samia Suluhu Hassan amejenga miundombinu mingi

ya elimu na afya hivyo wadau wengine kama NMB wanapojitokeza

kuchangia vifaa kwenye miradi hiyo wanaunga mkono moja kwa moja

juhudi za serikali za kuwaletea maendeleo wananchi.

Ametoa rai kwa wadau wengine mkoani Ruvuma kuiga mfano wa Benki ya

NMB katika kuchangia maendeleo.

Naye Mkuu wa Wilaya ya Songea Mheshimiwa Kapenjama Ndile

ameishukuru NMB kwa kupunguza changamoto ya madawati na meza

katika shule za msingi na sekondari Manispaa ya Songea.

Amebainisha kuwa katika shule za msingi zilizopo Manispaa ya Songea

kuna upungufu wa madawati 5,863 na katika shule za sekondari za

Manispaa ya Songea kuna upungufu wa meza 6,600.

Wanafunzi wanaosoma katika shule ya msingi Kiburang’oma Mary Komba

na John Haule kwa niaba ya wanafunzi wenzao wameishukuru Benki ya

NMB kwa Msaada wa madawati 40 ambayo yamepunguza uhaba wa

madawati.

Benki ya NMB imezifikia wilaya zote nchini ikiwa na matawi zaidi ya
230,wakala zaidi ya 20,000 na wateja zaidi ya