KIONGOZI MUADHAMU WA MAPINDUZI YA KIISLAMU AUPONGEZA MSAFARA WA MICHEZO YA PARALIMPIKI

Kiongozi Muadhamu wa Mapinduzi ya Kiislamu ametoa ujumbe kwa msafara wa michezo ya Paralimpiki wa "Mashahidi wa Mina" na kueleza kwamba:"Mliyofanya ni ya kujivunia na mumelifurahisha taifa la Iran".

Katika ujumbe huo wa Ayatullah Khamenei kwa wanamichezo wa Iran katika mashindano ya wanamichezo walemavu ya Paralimpiki ya Rio imeelezwa kuwa:"Mumelitangaza jina lenye heshima la mashahidi madhulumu wa Mina katika anga ya dunia na kulionesha vazi lililobarikiwa la Ihramu mbele ya maadui wa nembo za Kiislamu".

Kiongozi Muadhamu wa Mapinduzi ya Kiislamu ametoa shukrani kwa msafara wa michezo ya Paralimpiki wa Mashahidi wa Mina na kuongeza kuwa ana matumaini kwamba kwa kushikamana na misingi ya sharia za dini wanamichezo wa Iran, kama ilivyo kila mara, watashiriki katika medani za michezo wakiwa na moyo wa kujiamini ambayo ni sifa wanayostahiki kuwa nayo wanamichezo wa Kiirani.

Mmoja wa wanamichezo wa Iran aliyetwaa medali ya dhahabu katika mashindano ya Paralimpiki

Ayatullah Khamenei vilevile ametoa mkono wa pole kwa msiba wa kuhuzunisha wa mwanamichezo majeruhi wa vita Bahman Golbadnejad.

Msafara wa Paralimpiki wa Iran katika michezo ya Rio 2016 umekamilisha mashindano hayo kwa kushika nafasi ya 15 baada ya kujinyakulia medai 8 za dhahabu, 9 za fedha na 7 za shaba.../