Msemaji wa Wizara ya Mambo ya Nje ya Iran
amesema kujiuzulu Saad Hariri wadhifa wa uwaziri mkuu wa Lebanon ni
ishara ya hila mpya inayofanywa ili kuzusha mivutano ndani ya Lebanon na
eneo la Mashariki ya Kati.
Bahram Qassemi ameyasema hayo sambamba na kupinga matamshi
aliyotoa Hariri dhidi ya mchango na nafasi ya Iran katika eneo na
kubainisha kwamba: kukariri tuhuma hewa na zisizo na msingi za Wazayuni,
Wasaudi na Wamarekani dhidi ya Iran kulikofanywa na Waziri Mkuu wa
Lebanon aliyejiuzulu ni ithbati kwamba kujiuzulu huko ni hila na mchezo
mpya wa kuanzisha fitna na mivutano mipya ndani ya Lebanon na katika
eneo, lakini wananchi wanamuqawama wa Lebanon watakivuka kipindi hiki
pia bila ya tabu.
Msemaji wa Wizara ya Mambo ya Nje ya Iran amesisitiza kuwa: Iran
imekuwa siku zote ikitaka kuwepo amani na uthabiti katika nchi za eneo
huku ikiamini kwamba maslahi yake yanakidhiwa kwa kuwepo amani, uthabiti
na ustawi wa uchumi katika nchi zote jirani na za eneo; na ni kwa
sababu hiyo ndio maana kukabiliana na machafuko na uvurugaji uthabiti na
kupambana na makundi ya kigaidi kwa ajili ya kurejesha uthabiti katika
nchi zote kumepewa kipaumbele katika sera zake za kieneo.
Huku akiashiria pia kwamba kujiuzulu Saad Hariri na kutolewa tamko
hilo katika nchi nyengine sio tu ni jambo la kushangaza na kusikitisha
lakini pia kunadhihirisha kuwa anacheza mchezo katika uwanja
uliotayarishwa na wanaolitakia mabaya eneo hili, Qassemi ameongeza kuwa:
atakayeibuka mshindi kwenye uwanja huo ni utawala wa Kizayuni ambao
uhai na uwepo wake unadumu kwa kuwepo mizozo na mivutano kati ya nchi za
Kiislamu za eneo la Mashariki ya Kati.
Msemaji wa Wizara ya Mambo ya Nje wa Iran ameashiria uhusiano mzuri
sana uliopo baina ya Tehran na Beirut na kubainisha kwamba: kama
alivyosisitiza hivi karibuni Rais Michel Aoun wa Lebanon juu ya kuwepo
uhusiano mzuri wa kisiasa baina ya nchi mbili na kukanusha tuhuma za
kuwepo uingiliaji wowote wa Iran katika masuala ya Lebanon, Jamhuri ya
Kiislamu daima imekuwa ikiheshimu uhuru, kujitawala na kulindwa uthabiti
na utulivu ndani ya nchi hiyo na kutangaza utayari wake wa kushirikiana
na serikali ya Beirut katika nyanja zinazokidhi maslahi ya nchi
mbili.../
0 comments: