Na Mwandishi wetu

SPIKA wa Bunge, Mussa Azzan Zungu, ametuma ujumbe kwa nchi wanachama wa Mkutano wa Kimataifa wa Ukanda wa Maziwa Makuu (ICGLR) akizitaka kutekeleza kwa vitendo makubaliano yaliyofikiwa katika mkutano wa Wabunge wanawake kuhusu amani, usalama na maendeleo.

Akizungumza leo alipokuwa akifunga mkutano wa wanawake wabunge wa Jukwaa la Mabunge la ICGLR uliofanyika Dar es Salaam Spika Zungu amesema mafanikio ya mkutano huo yatapimwa kwa hatua zitakazochukuliwa na nchi wanachama kutekeleza maazimio yaliyopitishwa.

“Tanzania inathamini ushiriki wa wajumbe wote na mchango wa wadau mbalimbali waliofanikisha mkutano huo, huku akimpongeza Rais Samia Suluhu Hassan kwa uongozi wake unaoendelea kuiweka Tanzania katika nafasi ya kuhimiza amani, mazungumzo, ushirikiano wa kikanda na maendeleo jumuishi.”

Zungu pia amemshukuru Makamu wa Rais,Deogratius Ndejembi aliyemwakilisha Rais Samia katika ufunguzi wa mkutano huo, akisema Serikali imeonesha dhamira ya kuimarisha ushiriki wa wanawake katika michakato ya amani na usalama kupitia Mpango wa Kwanza wa Taifa wa Wanawake, Amani na Usalama wa mwaka 2025–2029.

Kwa upande wake, Katibu mkuu(ICGLR) Balozi Dkt. Deo Mwapinga, amesema matokeo ya mkutano huo kufuatiwa na hatua za utekelezaji pamoja na kuanzishwa kwa mfumo wa uratibu na ufuatiliaji wa maendeleo ya maazimio yaliyokubaliwa.

“Mfumo huo utasaidia kuimarisha ushirikiano kati ya nchi wanachama, kufuatilia utekelezaji na kuhakikisha Mpango wa Kikanda wa Wanawake, Amani na Usalama wa mwaka 2027–2031 unatekelezwa kwa ufanisi na uratibu unaofaa,” amesema Balozi Mwapinga

Amesema mkutano huo umepitisha Azimio la Dar es Salaam linalozitaka nchi wanachama kuimarisha sheria na mifumo ya kitaasisi inayowezesha wanawake kupata uwakilishi sawa katika mabunge, serikali na nafasi za uongozi wa vyama vya siasa.

Aidha, azimio hilo pia linahimiza kuongezwa kwa ushiriki wa wanawake katika majadiliano ya amani na timu za upatanishi, kuzuia ukatili dhidi ya wanawake katika siasa, pamoja na kuhakikisha wanaoshiriki katika michakato ya amani wanalindwa dhidi ya vitendo vya ukatili wa kijinsia.

Mwapinga amesema wajumbe wamekubaliana pia kuimarisha usimamizi wa rasilimali za asili kwa kuzingatia usawa wa kijinsia, kupambana na unyonyaji haramu wa rasilimali unaochochea migogoro na kuhakikisha wanawake wanapata sehemu stahiki ya manufaa yatokanayo na rasilimali hizo.

Aidha, alisema azimio hilo limeweka msisitizo katika kuwawezesha wanawake kiuchumi kupitia upatikanaji wa mikopo, ardhi, masoko, biashara za mipakani na elimu ya fedha na teknolojia, huku likitaka kulindwa kwa wanawake na wasichana wakimbizi na waliolazimika kuyahama makazi yao kutokana na migogoro na mabadiliko ya tabianchi.

“Azimio hilo limeitaka Sekretarieti ya ICGLR kufuatilia utekelezaji wake na kuwasilisha taarifa katika kikao kijacho cha kawaida cha Bunge la Umoja huo, huku likihimiza viongozi wa kikanda kulifikisha kwa wakuu wa nchi na serikali, Umoja wa Afrika na Umoja wa Mataifa,” alisema

Wakati huo huo Waziri wa Maendeleo ya Jamii Jinsia, Wazee na Watoto wa Serikali ya Mapinduzi Zanzibar (SMZ), Saada Mkuya, alisema Serikali inaichukulia ajenda ya Wanawake, Amani na Usalama kuwa sehemu muhimu ya malengo mapana ya maendeleo ya Taifa, kwa kuwa uwezeshaji wa wanawake ni msingi wa kujenga familia imara na jamii zenye ustahimilivu.

Dkt. Mkuya amesema dhamira hiyo inatekelezwa kupitia Mpango wa Kwanza wa Taifa wa Wanawake, Amani na Usalama wa mwaka 2025–2029 uliozinduliwa Agosti 2025, ambao unalenga kuunganisha taasisi za Serikali na wadau wengine katika kuhakikisha ajenda hiyo inatekelezwa katika ngazi zote.

Amesema Tanzania itaendelea kushirikiana na nchi wanachama wa ICGLR kutekeleza Azimio la Dar es Salaam na Mpango wa Pili wa Kikanda wa Wanawake, Amani na Usalama wa mwaka 2026–2030,

Aidha ametoa mwito kwa nchi hizo kudumisha mshikamano na kugeuza makubaliano yaliyofikiwa kuwa vitendo vitakavyoleta amani, usalama na maendeleo katika ukanda wa Maziwa Makuu.

Pia amesema uwezeshaji wa wanawake na usawa wa kijinsia ni nguzo muhimu katika kujenga familia imara, jamii zenye ustahimilivu na taifa lenye ustawi.

“Suala la usawa wa kijinsia halipaswi kuachiwa taasisi zinazoshughulikia masuala ya wanawake na jinsia pekee, bali linahitaji dhamira na ushiriki wa pamoja wa taasisi zote za serikali, jamii na wadau wa maendeleo.

“Dhamira hiyo inaakisiwa katika Dira ya Taifa ya Maendeleo 2050 na ajenda ya kitaifa ya masuala ya jinsia, zinazolenga kuhakikisha wanawake, wanaume, wasichana na wavulana wanapata fursa sawa za kushiriki na kuchangia katika maendeleo ya taifa.”

Alitaja Mpango wa Tatu wa Kitaifa wa Wanawake, Amani na Usalama wa mwaka 2025–2029, uliozinduliwa Agosti 2025, kuwa nyenzo muhimu ya kuratibu juhudi za taasisi na wadau mbalimbali katika kuendeleza ajenda hiyo, akisisitiza umuhimu wa kuhakikisha unatekelezwa kwa ufanisi katika ngazi zote.

Akitoa salamu za shukrani katika mkutano huo Naibu Spika wa Bunge la Taifa la Zambia, Malungo Chisangano, amesema mkutano huo wa siku nne umewezesha wabunge, viongozi wa serikali, taasisi za kikanda, Umoja wa Mataifa, mashirika ya kiraia na vijana kujadili kwa pamoja nafasi ya wanawake katika kuimarisha amani na kuendeleza ustawi wa eneo la Maziwa Makuu.

Ameongeza majadiliano yaliyofanyika yametoa fursa ya kuhamisha msisitizo kutoka kwenye ahadi za kisera na kuelekeza nguvu katika hatua za vitendo, ikiwemo utungaji wa sheria, utoaji wa fedha kupitia bajeti na usimamizi wa utekelezaji wa sera na mipango ya serikali.

Chisangano amesema Azimio la Dar es Salaam na Mpango wa Kikanda wa Utekelezaji vinapaswa kutumika kama mwongozo kwa mabunge ya nchi wanachama katika kuhakikisha masuala ya Wanawake, Amani na Usalama yanaingizwa katika sheria, sera na mifumo ya usimamizi wa serikali.

Amewataka maspika wa mabunge na wakuu wa ujumbe wa nchi wanachama kuhakikisha maazimio ya mkutano huo yanatekelezwa katika nchi zao, akisisitiza kuwa ushiriki wa wanawake katika ujenzi wa amani na maendeleo si jukumu la wanawake pekee, bali ni kipaumbele kinachopaswa kupewa uzito na mabunge pamoja na taasisi zote za kitaifa.

read more

Rais wa Jamhuri ya Muungano wa Tanzania, Dkt. Samia Suluhu Hassan, akiwa kwenye mazungumzo na Mhe. Noluthando Mayende-Malepe, Balozi wa Afrika Kusini anayemaliza muda wake nchini Tanzania, Ikulu Jijini Dar es Salaam, tarehe 06 Novemba, 2026.

Rais wa Jamhuri ya Muungano wa Tanzania, Dkt. Samia Suluhu Hassan, akiwa kwenye picha na Mhe. Noluthando Mayende-Malepe, Balozi wa Afrika Kusini anayemaliza muda wake nchini Tanzania, Ikulu Jijini Dar es Salaam, tarehe 06 Novemba, 2026.

 

read more

Na Mwandishi Wetu

Serikali imesema inaendelea kuchukua hatua za kupunguza makali ya ongezeko la bei za mafuta nchini, ikiwemo kutoa ruzuku ili kulinda watumiaji na kupunguzaathari za gharama za mafuta kwa shughuli za kiuchumi. 

Hatua hizo zinalenga kuhakikisha kuwa, pamoja nachangamoto zinazoendelea katika soko la dunia, wananchi wanaendelea kupata mafuta kwa uhakika nakwa bei himilivu. 

Kwa mujibu wa Mamlaka ya Udhibiti wa Huduma za Nishati na Maji (EWURA), bei za mafuta nchinizimeongezeka kwa mwezi Novemba 2026 kutokana nakuongezeka kwa gharama za usafirishaji na bima, kulikosababishwa na kuendelea kwa mgogoro waMashariki ya Kati, ambako Tanzania huagiza sehemukubwa ya mafuta yake. 

Hali hiyo imejitokeza licha ya bei za mafuta yaliyosafishwa katika soko la dunia kupungua kidogo mwezi Oktoba ikilinganishwa na Septemba 2026. 

Katika kukabiliana na changamoto hizo, Serikali imefanya jitihada za kuweka ruzuku kwa lengo la kupunguza mzigo wa gharama kwa watumiaji wa mafuta na uchumi kwa ujumla, huku ikiendelea kuchukua hatua za kuhakikisha upatikanaji wa uhakika wa bidhaa hizo nchini. 

EWURA imetangaza bei kikomo za mafuta zitakazoanza kutumika tarehe 4 Novemba 2026, ambapo kwa Dar es Salaam, petroli itauzwa kwa bei isiyozidi Shilingi 4,083 kwa lita, dizeli Shilingi 4,128 na mafuta ya taa Shilingi 4,117. 

Licha ya ongezeko hilo, bei za mafuta hayo nchini ziko chini zikilinganishwa na baadhi ya nchi jirani katika ukanda wa Afrika Mashariki (EAC) na zile za Kusini mwa Afrika (SADC). 

Serikali imeeleza kuwa itaendelea kufuatilia mwenendo wa soko la mafuta duniani na kuchukua hatua za kupunguza athari zake kwa wananchi na shughuli za uzalishaji, usafirishaji na uchumi kwa ujumla. 

Kwa mujibu wa taarifa ya EWURA, kipaumbele cha serikali ni kuhakikisha mafuta yanaendelea kupatikanakwa uhakika nchini, huku gharama zake zikiendeleakuwa himilivu kwa wananchi na uchumi.

read more

Makamu wa Rais wa Jamhuri ya Muungano wa Tanzania, Mhe. Deogratius Ndejembi ameshiriki katika zoezi la kupiga kura kumchagua Mbunge wa Jimbo la Chamwino, katika Uchaguzi mdogo unaofanyika leo tarehe 04 Novemba 2026.

 

Makamu wa Rais amepiga kura katika kituo namba Tano kilichopo Ofisi ya Kijiji cha Chamwino Wilaya ya Chamwino mkoani Dodoma. 

 

Awali,Mheshimiwa Deogratius Ndejembi, alikuwa Mbunge wa Jimbo hilo, kabla ya kuteuliwa kuwa Makamu wa Rais wa Jamhuri ya Muungano wa Tanzania, mwezi Agosti 2026.

read more

Na Mwandishi wetu Dodoma 

Rais wa Jamhuri ya Muungano wa Tanzania, Mhe. Dkt. Samia Suluhu Hassan, leo Jumatano, Novemba 4, 2026, ameshiriki Uchaguzi Mdogo wa Ubunge wa Jimbo la Chamwino baada ya kupiga kura katika Kituo cha Kupigia Kura cha Ofisi ya Kijiji cha Chamwino, mkoani Dodoma.

 

Rais Samia alifika katika kituo hicho kushiriki zoezi la uchaguzi linalofanyika kwa ajili ya kumpata Mbunge mpya wa Jimbo la Chamwino, nafasi iliyokuwa wazi kufuatia aliyekuwa Mbunge wa jimbo hilo, Mhe. Deogratius Ndejembi, kuteuliwa kuwa Makamu wa Rais wa Jamhuri ya Muungano wa Tanzania.

 

Ushiriki wa Rais Samia katika zoezi hilo unaonesha umuhimu wa wananchi kutumia haki yao ya kikatiba ya kuchagua viongozi wanaowataka kuwawakilisha katika vyombo vya maamuzi.

 

Uchaguzi Mdogo wa Chamwino unawapa wapiga kura wa jimbo hilo fursa ya kuchagua mwakilishi mpya atakayechukua nafasi ya Ndejembi na kuendelea kusimamia masuala ya maendeleo pamoja na kuwakilisha wananchi wa Chamwino bungeni.

 

Ndejembi alikuwa Mbunge wa Jimbo la Chamwino kabla ya kuteuliwa kushika nafasi ya Makamu wa Rais, hatua iliyosababisha nafasi ya ubunge wa jimbo hilo kuwa wazi na hivyo kuhitajika kufanyika kwa Uchaguzi Mdogo.

 

Wananchi waliojiandikisha katika Daftari la Kudumu la Wapiga Kura wanashiriki katika uchaguzi huo kwa kutekeleza wajibu wao wa kuchagua kiongozi watakayempa dhamana ya kuwawakilisha kwa mujibu wa taratibu za uchaguzi.

 

Matokeo ya Uchaguzi Mdogo wa Jimbo la Chamwino yanatarajiwa kutoa Mbunge mpya ambaye atarithi nafasi hiyo na kuendeleza uwakilishi wa wananchi wa jimbo hilo katika Bunge la Jamhuri ya Muungano wa Tanzania.

read more

Makamu wa Rais wa Jamhuri ya Muungano wa Tanzania, Mhe. Deogratius Ndejembi, kwa niaba ya Rais Dkt. Samia Suluhu Hassan, amekutana na kufanya mazungumzo na Rais wa Uganda, Mhe. Yoweri Kaguta Museveni, kuhusu maendeleo ya ujenzi wa Bomba la Mafuta Ghafi la Afrika Mashariki (EACOP), linalounganisha Hoima nchini Uganda na Chongoleani, Tanga nchini Tanzania.

Mazungumzo hayo yamefanyika katika Ikulu ya Entebbe nchini Uganda, yakilenga kuimarisha ushirikiano wa nchi hizo mbili katika utekelezaji wa miradi ya kimkakati, hususan katika sekta ya mafuta na gesi.

Mkutano huo umehudhuriwa na Naibu Waziri wa Mambo ya Nje na Ushirikiano wa Afrika Mashariki, Dkt. Ngwaru Maghembe; Balozi wa Tanzania nchini Uganda, Meja Jenerali Marco Gaguti; Katibu Mkuu wa Wizara ya Nishati anayeshughulikia mafuta na gesi, Dkt. James Mataragio; Kamishna wa Mafuta na Gesi, Goodluck Shirima, pamoja na Mkurugenzi Mtendaji wa Shirika la Maendeleo ya Petroli Tanzania (TPDC), Mussa Makame.

read more

Na Mwandishi wetu Dodoma 

Rais wa Jamhuri ya Muungano wa Tanzania, Mhe. Dkt. Samia Suluhu Hassan, leo Jumatano, Novemba 4, 2026, ameshiriki Uchaguzi Mdogo wa Ubunge wa Jimbo la Chamwino baada ya kupiga kura katika Kituo cha Kupigia Kura cha Ofisi ya Kijiji cha Chamwino, mkoani Dodoma.

Rais Samia alifika katika kituo hicho kushiriki zoezi la uchaguzi linalofanyika kwa ajili ya kumpata Mbunge mpya wa Jimbo la Chamwino, nafasi iliyokuwa wazi kufuatia aliyekuwa Mbunge wa jimbo hilo, Mhe. Deogratius Ndejembi, kuteuliwa kuwa Makamu wa Rais wa Jamhuri ya Muungano wa Tanzania.

Ushiriki wa Rais Samia katika zoezi hilo unaonesha umuhimu wa wananchi kutumia haki yao ya kikatiba ya kuchagua viongozi wanaowataka kuwawakilisha katika vyombo vya maamuzi.

Uchaguzi Mdogo wa Chamwino unawapa wapiga kura wa jimbo hilo fursa ya kuchagua mwakilishi mpya atakayechukua nafasi ya Ndejembi na kuendelea kusimamia masuala ya maendeleo pamoja na kuwakilisha wananchi wa Chamwino bungeni.

Ndejembi alikuwa Mbunge wa Jimbo la Chamwino kabla ya kuteuliwa kushika nafasi ya Makamu wa Rais, hatua iliyosababisha nafasi ya ubunge wa jimbo hilo kuwa wazi na hivyo kuhitajika kufanyika kwa Uchaguzi Mdogo.

Wananchi waliojiandikisha katika Daftari la Kudumu la Wapiga Kura wanashiriki katika uchaguzi huo kwa kutekeleza wajibu wao wa kuchagua kiongozi watakayempa dhamana ya kuwawakilisha kwa mujibu wa taratibu za uchaguzi.

Matokeo ya Uchaguzi Mdogo wa Jimbo la Chamwino yanatarajiwa kutoa Mbunge mpya ambaye atarithi nafasi hiyo na kuendeleza uwakilishi wa wananchi wa jimbo hilo katika Bunge la Jamhuri ya Muungano wa Tanzania.

Rais wa Jamhuri ya Muungano wa Tanzania, akipiga kura kwenye Kituo cha kupigia kura cha Ofisi ya Kijiji cha Chamwino mkoani Dodoma, tarehe 04 Novemba, 2026 katika Uchaguzi mdogo wa Ubunge wa Jimbo la Chamwino. Uchaguzi huo unafanyika kufuatia aliyekuwa Mbunge wa Jimbo hilo, Mhe. Deogratius Ndejembi kuteuliwa kuwa Makamu wa Rais wa Jamhuri ya Muungano wa Tanzania.

read more