Na Magreth
Magosso,Kigoma
MKURUGENZI Mkuu wa Mamlaka ya Udhibiti Usafiri wa Nchi kavu na
Majini (SUMATRA), Giliard Ngewe amewataka wadau wa Vyombo vya usafirishaji wa abiria na mizigo
katika Ziwa Tanganyika Mkoa wa Kigoma, wazingatie sheria, kanuni na weledi
katika shughuli zao ili kupunguza ajali
zinatokea kila wakati katika ziwa hilo.
Akithibitisha hilo jana Kigoma Ujiji, kwenye ufunguzi wa
mafunzo ya siku mbili juu ya kukumbushwa wajibu wao kwa mujibu wa
sheria, taratibu na kanuni za usafirishaji kwa abiria na mizigo ni pamoja na
undaji wa boti zenye kiwango cha ubora wenye kiwango kwa mujibu wa sumatra ,ili kuimarisha uchumi wa shughuli hizo katika
mkoa huo.
Ngewe alisema katika kipindi cha januari mwaka 2013 hadi januari
2017 zaidi ya watu 50 wamepoteza maisha
sanjari na kupoteza mizigo hali inayochangiwa na boti duni ambazo zinashindwa
kuhimili uhalisia wa mabadiliko ya tabia nchi yanayojitokeza katika ziwa hilo.
“Sumatra imejiwekea utaratibu wa kuwajengea uwezo wadau wake kwa
kubadilishana taaluma miongoni mwao kwa wavuvi, wamiliki wa zana za uvuvi na
mafundi maboti kila kona ya mkoa husika kwa kushirikiana na wataalamu kutoka
chuo cha uvuvi cha Mbegani (FETA) kuimarisha kiwango bora cha chombo husika”
alifafanua Ngewe.
Kwa upande wa Mgeni rasmi ambaye pia ni Mkuu wa Wilaya ya kigoma, Samsoni
Anga kwa niaba ya Mkuu wa Mkoa wa hapo, Emanueli Maganga aliema wadau hao hawana budi kutii sheria
zilizopo kwa mujibu wa Sumatra na kuwataka abiria wavae vifaa vya uokoaji (lifejacket) ili kujiokoa na ajali zisizotabirika.
Anga, alieleza kuwa watakaokiuka sheria za usafirishaji watawajibishwa
katika vyombo vya sheria ,kwa kuwa vifo vikitokea huwajibika katika hilo na
kuwasihi wazingatie sheria na taratibu za usafirishaji wa abiria na mizigo kwa
mujibu wa uimara wa chombo chake na idadi ya uzito wa mzigo na abiria kwa
ujumla.
Aidha aliwakumbusha wawatumie wataalamu wa hali ya hewa
waliopo katika mkoa huo ili kufanya shughuli zao kwa uhakika na waachane na
tabia ya mazoea katika usafirishaji wa abiria na mizigo sanjari na
kutosafirisha abiria kinyemela hali inayochangia vifo visivyojulikana .
Kwa upande wa mmiliki wa boti za uvuvi, Maftaha Bahila alisema
changamoto kubwa ni mitaji ya kuwezesha boti za kisasa na wanaogopa kuunda
vikundi vya ushirika kutokana na uaminifu mdogo baina ya wadau wa vyombo husika
na kuiomba serikali iwapatie mikopo isiyokuwa na riba kubwa ili kuboresha shughuli
za uvuvi na usafirishaji wa mizigo na abiria.
.JPG)
0 comments: