Waziri wa zamani wa Ulinzi Japan ametaka
kuimarishwa uwezo wa kijeshi kwa ajili ya kukabiliana na mashambulizi
tarajiwa ya Korea Kaskazini.
Itsunori Onodera, Waziri wa Waziri wa zamani wa Ulinzi wa Japan
ambaye kwa sasa ni mkuu wa Baraza la chama tawala nchini humo, amesema
kuwa, harakati zozote za kijeshi za Korea Kaskazini dhidi ya Japan,
zitakabiliwa na jibu mbadala. Matamshi hayo yamekuja kufuatia hatua ya
hivi karibuni ya Pyongyang ya kuvurumisha makombora manne katika maji ya
Japan. Itsunori Onodera, Waziri wa Waziri wa zamani wa Ulinzi Japan
Duru za habari zinaeleza kuwa, viongozi wa Tokyo wamekusudia kuchukua
hatua kali katika sera za kiulinzi katika kukabiliana na hatari dhidi
yake. Moja ya mambo yanayowatia wasi wasi mkubwa viongozi wa Japan ni
kwamba, mwezi uliopita, Korea Kaskazini iliboresha zaidi mfumo wa mafuta
ya kuchochea makombora yake kwa kuufanya kuwa mgando. Kabla ya hapo
Pyongyang ilikuwa ikitumia mafuta laini katika shughuli za ufyatuaji
makombora. Sehemu ya makombora ya jeshi la Korea Kaskazini
Hatua ya hivi karibuni ya Korea Kaskazini kufyatua makombora yake
manne katika maji ya Japan, iliifanya Washington kutuma nchini Korea
Kusini mfumo wake wa ulinzi wa makombora wa THAAD, ambao umekuwa
ukilalamikiwa na nchi za China, Russia na Korea Kaskazini. Taarifa
iliyotolewa na Pyongyang ilisema kuwa, jaribio lake hilo la makombora ni
maandalizi kwa ajili ya kuzishambulia kambi za kijeshi za Marekani
nchini Japan.
.JPG)
0 comments: